مراسم بین المللی نکوداشت استاد دکتر سید محمد حسین مبین
مراسم بین المللی نکوداشت استاد دکتر سید محمد حسین مبین (پدر معنوی جمعیت خیریه قلبهای سبز)
اهمیت تجلیل از مفاخر بزرگ اجتماعی ومعنوی کشور و برگزاری همایش بین المللی نکوداشت مقام شامخ استاد دکتر محمد حسین مبین ، پدر جذامیان ایران در بهمن ماه سال جاری توسط جمعیت خیریه قلبهای سبز بیانگر این موضوع مهم می باشد که مردم تبریز ، پایتخت جهان تشیع اسلام و بویژه نسل جوان و آگاه شهر تبریز با اهداف انسان دوستانه این بزرگان آشنا شوند و قدر دانی خود را نسبت به این بزرگان به شکلهای مختلف نمایان کنند.
جوذام لی سارا
اون دؤرد باهار گؤرهن سارا
قونچا کیمی گولهن سارا
چیچهک لهنیب یاناقلاری
اؤلدوز تؤکوب صوراتلارا
قان بورویوب لطیف اوزون
آل دانالار تؤکوب اوزه
قاشلارینین توکو آتیب
ملاحتی وورور گؤزه
اوجا دئیب –گولهن سارا
دهرین غمه جوموب باتیب
زمانهنین خؤش گونلرین
بیر گون آلیب،بیرگون ساتیب
نازین چهکهن یؤلداشلاری
تهک قویوبلار سارا قیزی
سارا،سارا دئیهن دوستلار
اونودوبلار سارا قیزی
ائلین قیزی گوزهل سارا
باتیب ناحاق قیزیل قانا
جوذام تؤتوب یازیق سارا
آدی گهلمیر دیله،سانا
بؤندان سؤنرا دئنه گؤروم
کیم چهکهجهک نازین سنین
بؤلوت کیمی گؤزون دولو
دریا کیمی غمین درین
کیمسه اؤلوب،گئدهن زامان
ائل الینی اوزوب گئدهر
سن ههلهلیک دوران زامان
طایفا،تیفاق سوزوب گئدهر
دان سؤکولوب،سحر چاغی
باتیر سنین دان اولدوزون
گوندوزلرین قارا،کدهر
گئجهلرین اوزون-اوزون
کاروان کؤچوب،قویوب گئدیر
یؤلدا قالیبدی گؤزلرین
دؤداقلارین آچیلماییر
بوزدا قالیبدی سؤزلرین
بیر باخیشیندا دونیالار
نییاز یاتیب،دیلهک یاتیب
آچ اورهیین گوروم بالا
نئجه تیکان قانا باتیب
دونیا اؤنوتسادا سنی
من سنی آتمارام بالا
یؤخلاسا دونیانین گؤزو
بیر گئجه یاتمارام بالا
اؤلدوزلاری سایا-سایا
ایزلهییرهم سنین یولون
آتان گهلیر زیارهته
آچ بالاجان،آلین-قولون
جوزام سنی آییرسادا
اورهک سنی آییرماییر
دیلیم کهسیلسه،دوشسهده
باشقاسینی چاغیرماییر
جانیم،گؤزوم،بالام سارا
جانیم قؤربان سنه سارا
دونیانی لقمان ائیلهرهم
دردینه ائیلهرهم چارا
مرض، قارا بؤلوت اولا
من طوفان اوللام اسهرهم
مرض،آخار سئل اولسادا
داغ کیمی یؤلون کهسهرهم
قورخما بالا تهک دئییلهم
بیر ائل منیم دالیمدا دیر
ائل گوجو،سئل گوجو،دئیه
ههله منیم یادیمدا دیر
دونیا وئریبدیر ال-اله
سیزلهره ایمداد ایلهییر
خییر آداملارین گوجو
گور نئجه بیداد ایلهییر
آللاهی ایسنهین سنی،
کعبه ائدیر عیبادهته
کعبهنی آرزو ائیلهیهن
گهلیر بورا عیبادهته ( منظور بابا باغی )
معبد عشق دیر بورا
دشت منا و طور دور
بانگ و نوای شووق دور
صووت و صلای صوردور
قلب شیکسته بوردا دیر
رحمت حقه واصل اول
قلب شیکستهدهن چهکیب
جنته ذوالجلال یول .
برگرفته از كتاب:
جوذام لی سارا: شئعرلر/ دكتر محمدحسین مبین (م. شیمشک)؛ اون سوز و ایضاح لار رضا همراز
ناشر:
تبریز : : اختر
، ، ۱۳۸۷.
برای شروع...